Båt og sjøliv | 26. juli 2022

Alle dødsulykkene i år har eitt fellestrekk

Lågare båttrafikk, fleire dødsfall i båtulykker enn i fjor.

Alle dødsulykkene i år har eitt fellestrekk
Redningsskøyta «Bjarne Kyrkjebø». (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 26. juli 2022 14:16

Til no i år er det registrert 14 døde i samband med bruk av fritidsbåt i Noreg.

Trass lågare båttrafikk er dette eitt tilfelle meir enn på same tid i fjor.

– I samtlege dødsulykker knytt til bruk av fritidsbåt i år, er det ikkje brukt redningsvest, seier Karoline Evensen, matros i Redningsselskapet, til TV 2.

Oppmodinga er klar: ta vesten på også om den planlagde båtturen er kort.

Ifølgje politibetjent Morten Haugland, som jobbar på politibåten Kjølen, er folk i Os-skjergarden stort sett flinke til å bruka redningsvest. Spesielt dei yngste.

Evensen hos Redningsselskapet legg til at det, i mange av dei 14 ulykkene, var i samband med båt som låg i hamn.

I alt er det registrert 41 drukningstilfelle til no i år. Av 8 tilfelle per 16. juli er 5 av dei over 60 år og alle over 26 år.

Visste du at dei som druknar ikkje roper eller vinkar, som på film? Det skjer i det stille.

Redningsselskapet har laga ein film som viser korleis du kan sjå at nokon har problem, og hjelpa til.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.