– Er truleg smitta i ein nabokommune

Etter to nye smittetilfelle tysdag, som begge var to frå utlandet testa på Flesland, fekk Bjørnafjorden kommune eitt nytt smittetilfelle påvist onsdag.

Den smitta er ei kvinne i 20-åra.

– Ho er truleg smitta i ein nabokommune, seier kommuneoverlege Klaus Melf.

Sist nokon smitta kvarandre internt i Bjørnafjorden kommune var mellom to nærkontaktar 12. januar.

Kvinna har tre nærkontaktar som no er i karantene.

Datoane for dei smitta i Bjørnafjorden til no

Til no i 2021: 22
Totalt smitta: 125
24. februar: Kvinne i 20-åra, truleg smitta i ein nabokommune.
23. februar: Mann i 40-åra, testa i samband med innreise til Noreg.
23. februar: Mann i 20-åra, testa i samband med innreise til Noreg.
8. februar: Jente som er elev ved Os vgs. Smitta av kontakt i Bergen.
8. februar: Kvinne i 20-åra. Smitteveg ukjent.
12. januar. Mann i 40-åra, smitta av nærkontakt mens han var i karantene.
8. januar: Par i 20-åra og son på 4 år. Testa i samband med innreise.
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle

Totalt i 2020: 104 Sjå liste over alle