Fin Strøno-reklame på TV 2

Måndag kveld var det premiere på tidlegare Idol- og Senkveld-programleiar Harald Rønneberg sitt nye program på TV 2, «Helt Harald».

Harald held fram med å gjera ting han ikkje kan, og i første sending får vi sjå korleis det går med ambisjonen om å stå på vannski bak danskebåten.

Programmets gjest, og med på vannskistuntet, var Kygo (Kyrre Gørvell-Dahll).

• Les òg: Ny Kygo-video filma i Os

Base på Forstrøno

Den same sommaren som Kream frå Os streama konsert for 10.000 publikummarar frå Forstrønesundet, var musikk-storebroren frå Fana på hyttetur 500 meter vekke, på Kuskjeret på Forstrøno.

TV 2 viser fine bilde frå det populære friluftsområdet mellom Ervikane og Oksebåsen.

Forstrøno var base før Kygo og Harald blei slept med rib og hekta på Fjordline si skute på veg sørover i Bjørnafjorden.

Korleis det gjekk med vannskistuntet, og med oppvarminga, der Harald song til Kygo sitt pianospel før dei møttest til tennisduell, kan du sjå på TV Sumo.

I neste episode er prinsesse Märtha Louise gjest. Då skal ho og Harald prøva å setja verdsrekord - på langrenn.

• Les òg: Kygo på tribunen då Lysekloster skremte Åsane i NM