Fire nye smittetilfelle på to dagar

Fire personar har testa positivt for covid-19 i Bjørnafjorden kommune i helga. Ingen av smittetilfella har noko med kvarandre å gjera.

Alle nærkontaktar er varsla og sett i karantene.

Fredag 16. oktober fekk tre personar påvist smitte i Bjørnafjorden kommune.

• Mann i 40-åra, smitta ved arbeidsstad i utlandet. Har gått rett i karantene ved heimkomst, ingen nærkontaktar.
• Mann i 20-åra, smitta i Bergen. Alle nærkontaktar er i Bergen.
• Kvinne i 20-åra, smitta i Oslo. Kvinna er folkeregistrert i Oslo, men har vore på besøk i Bjørnafjorden. Nærkontaktar i Bjørnafjorden kommune er sett i karantene.

Laurdag 17. oktober fekk yttarlegare ein person påvist smitte.

Dette er ein mann i 40-åra. Smittevegen er foreløpig ikkjekjent. Nærkontaktar i Bjørnafjorden og Bergen er sett i karantene.

– Det er alvorleg med seks smittetilfelle i løpet av ei veke. Samstundes har alle smittetilfella oppstått uavhengige av kvarandre, og er såkalla «importsmitte», seier assisterande kommuneoverlege, Jonas Nordvik Dale i ei pressemelding frå kommunen.

– Også i dei to tilfella der vi ikkje har fastslått smittevegen, mistenker vi at smitten kjem frå Bergen eller andre stader utanfor Bjørnafjorden. Vi har ingen haldepunkt for å mistenka intern smitte i vår kommune, men følgjer sjølvsagt utviklinga tett.

Datoane* for dei smitta i Bjørnafjorden til no

* dato for offentleggjering via kommunen. Vedkomande kan ha fått konstatert smitte dagen før.

14 smitta i vår:
11. mars: Mann i 50-åra, smitta etter utanlandsreise.
14. mars: Mann i 50-åra og mann i 30-åra, ein av dei etter utanlandsreise.
20. mars: Kvinne i 20-åra, den første smitta på Fusa-sida av kommunen.
21. mars: Mann og kvinne i 40-åra.
23. mars: Fire nye smittetilfelle. Alle er i nær relasjon til ein annan smitta. Kjønn og alder er ikkje opplyst om.
4. april: Kvinne i 30-åra. Første konstaterte smitta på 12 dagar.
7. og 8. april: Smittetilfelle nummer 13 og 14, ein mann i 20-åra og ei ti år gamal jente.
14. april: Ektepar i 70-åra.

Til no 19 smitta i haust:
10. august: To i 20-åra etter utanlandstur.
(14. august: Soldat smitta i Ulven leir)
17. august: Mann i 20-åra smitta etter lengre opphald i utlandet.
21. august: Kvinne i 20-åra smitta innanlands, men i ein annan kommune.
26. august: Kvinne i 20-åra. Ho har vore i nærkontakt med kvinna som blei konstatert smitta 21. august, og er med andre ord den første i haust som er smitta internt i Bjørnafjorden kommune.
5. september: Ein mann i 20-åra i Bjørnafjorden kommune har testa positivt for covid-19. Smittevegen er kjent.
7. september: Mann i 30-åra.
11. september: 12 år gamal elev ved Os barneskule er smitta etter kontakt med ein smitta frå ein annan kommune.
13. september: Kvinne i 20-åra, smitta av nærkontakt frå ein annan kommune.
14. september: Kvinne i 20-åra, smitta av nærkontakt frå ein annan kommune.
16. september: To kvinner i 20-åra, smitta i Bergen.
17. september: Mann i 20-åra, smitta i Bergen, same stad som tre andre i 20-åra, meldt 13. og 16. september.
14. oktober: Mann i 20-åra.
14. oktober: Kvinne i 20-åra smitta i Bergen.
16. oktober: Mann i 40-åra, smitta ved arbeidsstad i utlandet.
16. oktober: Mann i 20-åra, smitta i Bergen.
16. oktober: Kvinne i 20-åra, smitta i Oslo. Kvinna er folkeregistrert i Oslo, men har vore på besøk i Bjørnafjorden.
17. oktober: Mann i 40-åra. Smitteveg foreløpig ukjent.