Lysregulering fram til midten av mai

Bjørnafjorden kommune melder i dag om komande gravearbeid i Bjørnavegen nær Halhjemsmarka.

Entreprenør Vestafjell AS utfører arbeid med å leggja nye leidningar for vatn og avløp for Bjørnafjorden kommune.

Gravearbeida har starta i Vargavågen og vil fortsetja vidare langs Bjørnavegen mot Auredalen.

– Planen er at dette kjem i gang førstkomande torsdag, fortel Siril Langhelle frå Bjørnafjorden kommune.

Arbeidet medfører lysregulering langs Bjørnavegen og omlegging av gangtrafikk fram til midten av mai.

Gåande og syklande vert oppmoda til å bruke gangvegen mellom Mardalsrenen og Auredalen, og ikkje gå i kryssområdet.

Køyrande vert oppmoda til å berekna ekstra tid grunna lysreguleringa.

Du kan lesa meir utfyllanda informasjon om arbeidet på Bjørnafjorden kommune sine heimesider.