Lokal | 21. jan. 2021

Melder kuling i kveld

Orkan i nord og 11 meter høge bølgjer i sør. Vestland får lettare ver, men litt vind i luggen blir det likevel.

Melder kuling i kveld
Os hamn i dag. I kveld er det venta opptil 12 m/s frå aust. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 21. jan. 2021 13:57

Meteorologisk institutt har raudt farevarsel for Nord-Noreg, der orkanen «Frank» herjar med vindkast opp mot 50 m/s på Nord-Helgeland.

I Agder og Rogaland er det meldt uvanleg høge bølgjer, frå 9 til 11 meter høge.

Vestland fylke og Bjørnafjorden får lettare vêr, men det er meldt opptil 12 m/s vind (liten kuling) frå aust i 21-tida i kveld.

På dagtid torsdag er Vikafjellet stengt, og det er kolonnekøyring over Hardangervidda og Hol-Aurland. Filefjell og Hemsedalsfjellet er ope for normal trafikk, ifølgje BT.

Vindstyrken skal i Os halda seg på 7 til 10 m/s fram til lunsj fredag, men også laurdag er det venta frisk bris og regn.

Temperaturen skal halda seg på 4-5 varmegradar.

Til søndag er det meldt 3-5 m/s vind og opphaldsvêr.

I neste veke er det meldt kaldare, 0 til 2 varmegradar, og fleire dagar med lettskya vêr.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.