Lokal | 25. nov. 2020

Nok ein sjåfør meldt for ikkje å stoppa

Vegvesenet la seg på hjul.

(Arkivfoto: Statens vegvesen)
Kjetil Vasby Bruarøy
Kjetil Vasby Bruarøyonsdag 25. nov. 2020 08:18

Søndag blei ein bil, som viste seg å ha solid overlast, følgd til Hjellemarka etter ikkje å ha stoppa for kontroll på Halhjem ferjekai.

Natt til onsdag gjekk det motsett veg.

– Vi hadde kontroll i Hjellemarka i natt. Ein lastebil, som blei vinka inn, køyrde vidare, fortel Inge Hellebust frå Statens vegvesen i sin rapport.

Bilen blei innhenta og førar blei meldt til politiet.

I alt ni tunge køyretøy blei kontrollert. To førarar måtte fjerna lys på dashbord, éin måtte fjerna eit bord og éin måtte etterstramma kjettingar som fungerte som lastsikring.

I tillegg blei det skrive rapport på manglande vektårsafgift og ikkje godkjent kran.

7 av 18 fekk bruksforbod

Vegvesenet var òg i Os på måndag, då på Halhjem ferjekai. Då såg dei nærmare på 18 køyretøy av 51 køyretøy.

Det blei delt ut 7 bruksforbod og skrive 5 dekkgebyr, dessutan fekk 2 sjåførar åtvaring for køyre- og kviletid og éin fekk gebyr for manglande vognkort.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.