Bompengefritak: Håper på ei anna avgjerd i morgon

Gustav Bahus (Frp) var skuffa etter at Frp, Høgre og FNB blei ståande åleine om å kjempa for bompengefritak på sidevegane til E39 Svegatjørn - Rådal og Sotrasambandet.

Hovudutval for samferdsel og mobilitet (SAMO) i Vestland fylke behandla uttale til «konsekvensar av å fjerne bom på sideveg for E39 Svegatjørn-Rådal og Rv555 Sotrasambandet».

Fleirtalet støtta administrasjonen i fylket, som konkluderte med å «rå til at det ikkje vert gitt tilslutning til å utgreie eit nytt bompengeopplegg for Rv. 555 Sotrasambandet og E39 Svegatjørn-Rådal».

– Bjørnafjorden Ap ønskjer ikkje ha bompengar på sidevegane til E39 Svegatjørn-Rådal, seier ordførar Trinde Lindborg.

Ho er no i kontakt med fylkespolitikaranefor å informera om standpunktet.

– Eg set mi lit til at fylkesutvalet i morgon, når dei har fått yttarlegare informasjon, vil fatta ei anna avgjerd.