Byvegen stengt nok ein plass

Tidligare i dag blei det meldt om vassleidningsbrot i Os sentrum.

Det var større mengdar vatn som flaut som ei elv gjennom Os sentrum frå Byvegen og inn til restauranten Havnechefen.

Vassleidningsbrotet blir utbetra i dag - og dermed blir vegen stengd.

Les ògNytt vassleidningsbrot i Byvegen

– Det vil ikkje bli mogleg å køyra forbi brotstaden under utbetringa, fortel Agnete Haugland, einingsleiar for samferdsel.

Det vil seia at dei som skal til Stegen eller vidare mot 7/eleven eller til Os næringspark, må køyra gjennom Midtskogvegen.

– Med no er endå fleire stengte vegar i Os, vil det vera mogleg å køyra gjennom Holtbrekka?

– Nei, der vil det framleis vera gjennomkøyringforbod. Vi håpar at arbeidet vil vera ferdig i løpet av dagen, seier Haugland.

Ho fortel at det vil bli jobba kontinuerleg med å ordna vassleiningsbrotet til vegen er opna igjen.

Det blei tidleg i dag bestilt både kabelpåvisning og gravemaskin for å avdekka omfanget av vassleidningsbrotet.

Entrepenør frå Løvaas Maskin AS fortel at dei ikkje veit kor lang tid det vil gå før dei er kome ned til røyret.