Grasbrann og dykkar-utrykning

Os brann- og redningsteneste fekk ein hektisk start på søndagen.

– Først fekk vi melding om ungar i trøbbel på isen på Skogseidvatnet, så kom melding om grasbrann på Lekven, fortel brannsjef Stein Gjøsund.

Politiet hadde vurdert situasjonen på Skogseidvatnet som så alvorleg at det blei sendt både helikopter og redningsdykkarar frå Os og Bergen i retning Fusa.

– Dykkarane sat på ferja då kontrameldinga kom, aksjonen blei avblåst, fortel Gjøsund.

På Lekven blei det heller ikkje noko dramatikk.

– Det var eit bål som hadde kome ut av kontroll, men bålbrennaren hadde fått kontroll på flammane då vi kom fram, seier Terje Håvardstun frå Os brannvesen.