Han blir ny brannsjef i Bjørnafjorden kommune

Eivind Hovden er tilsett som brannsjef for Bjørnafjorden brann og redning, fortel Os kommune i ei pressemelding i dag.

Hovden kjem frå stillinga som leiar for operasjon i Hordaland Sivilforsvarsdistrikt. I fjor leia han storøvinga på Lysøen, der blant anna politiet og Os brannvesen deltok.

• Les òg: Trener ny spesialstyrke (2017)

Hovden startar i jobben i løpet av august. Formelt er han tilsett som brannsjef i Os kommune, før han blir brannsjef i Bjørnafjorden kommune frå nyttår.

– Vi gler oss til å få Eivind med på laget, seier Nils-Petter Borge, framtidig assisterande rådmann i Bjørnafjorden kommune.

I april blei det kjent at Stein Gjøsund, som har vore brannsjef i Os sidan 2003, ikkje ville søkja på stillinga som brannsjef i Bjørnafjorden kommune. Gjøsund får ei anna rolle i den komande samanslåtte kommunen og går, etter det Midtsiden kjenner til, av med pensjon i løpet av 2020.