Har fått svar på smitteprøvar ved Luranetunet
Den tilsette hadde 15 nærkontaktar.
Laurdag 31. oktober blei det for første gong konstatert koronasmitte på Luranetunet. Ein tilsett fekk påvist covid-19. Vedkomande bur i Bergen og blei smitta der.
Alle nærkontaktane, blant anna 5 kollegaer og 10 bebuarar, blei plasserte i karantene.
– Vi har no fått svar på prøvane. Ingen av nærkontaktane på Luranetunet er smitta, opplyser Bjørnafjorden kommune i dag.
I samsvar med FHI sin rettleiar for sjukeheimar blir dei 15 likevel verande i karantene til 8. november. Ny smitteprøve skal òg gjennomførast, dette blir utført seinare i veka.
– Eg vil gi ros til bebuarane, pårørande og dei tilsette på Luranetunet for korleis dei har handtert denne spesielle situasjonen, seier assisterande kommuneoverlege, Jonas Nordvik Dale.
Besøksrutinane ved Luranetunet er ikkje endra etter smittetilfellet.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.