Har kontroll på ungdomar etter innbrot på skule

Politiet fekk klokka 14.30 melding om mogleg innbrot på Os ungdomsskule.

– Patruljen er på staden og har kontroll på tre ungdomar, fortel Vest politidistrikt klokka 14.45.

Dei undersøker no korleis ungdomane tok seg inn på skulen.

Os ungdomsskule var utsett for ein liten brann onsdag ettermiddag. Brannen starta i eit bosspann klokka 17.55, skulen var låst frå klokka 15.30.

Røykskade frå brannen gjorde at heile skulen har vore stengt torsdag og fredag, og klasseromsfløyen der brannen starta, som 8. trinn bruker, er òg stengt i neste veke.