Kjempar om å møta Os eller Lysekloster i NM

128 lag skal spela første runde i NM, 84 av desse er direktekvalifiserte.

Laga som allereie har plass i første runder er dei som speler i Eliteserien, OBOS-ligaen og PostNord-ligaen, inkludert nedrykkslag.

I tillegg er topp 4 i Norsk Tipping-ligaen 2023 direktekvalifiserte.

I Hordaland fotballkrets er desse klare:
Brann
Åsane
Sotra
Os
Fana
Lysekloster
Bjarg
Sandviken

Lysekloster blei slått ut i andre NM-runde i fjor.

Toppen av 3. divisjon klarte seg bra mot toppen av OBOS-ligaen, det sto uavgjort til 116. av dei 120 minutta kampen varte, men Sogndal vann 1-2.

Les ògNM 2. runde: Lysekloster - Sogndal

Os gjorde det skarpt i 2022, då dei slo ut Åsane, men dei tapte 1-0 for Lysekloster i første runde i 2023.

Les ògNM: Lysekloster - Os

176 lag speler første kvalifiseringsrunde, 18 av desse er frå Hordaland. Vinnarane av første runde speler andre og avgjerande kvalifisering.

Av kampane i og nær Hordaland nemner vi desse:
Fjøra – Eid
Stryn – Florø
Voss - Årdal
Varegg – Askøy
Gneist – Osterøy
Nymark – Austevoll
Nordhordland – Loddefjord
Trio – Stord
Lyngbø – Fyllingsdalen
Arna-Bjørnar - Frøya
Tertnes – Bremnes
Odda – Nord
Torvastad - Åkra

• Sjå heile oppsettet på fotball.no

Kampene skal spelast 13. mars eller før. Andre kvalifiseringsrunde skal spelast 20. mars, oppsettet til desse kjem 14. mars.