Kontrollerte lastebil, drosje og bilbelte i buss

Statens vegvesen hadde torsdag kontroll på plassen ved Svegatjørn igjen.

Fokusområde for kontrollen var både tunge køyretøy, varebil, drosje og bilbelte i buss.

– Av 162 busspassasjerar var det 10 utan bilbelte, opplyser John Kåre Larsen frå SVV.

Gebyret for å ikkje bruka belte i buss er som i bil, 1500 kroner.

Det blei elles skrive gebyr på 8000 kroner i for manglende bompengeavtale for køyretøy i næring over 3500 kg.

I tillegg var det tre bruksforbod. Årsakene varierte frå feil med underkøyringshinder, defekt lås på lastekarm og mangler på bremselys.

– Elles var det bra stilt med dei andre kontrollerte. Tre førarar blei sjekka for køyre- og kviletid, også her var alt i orden, skriv Larsen i rapporten.