Ny frontkollisjon

Bildeserie:

1 av 4

- Det er malt ny gul stripe i vegen på dette stykket, og denne er glatt. Det er mogleg at det kan ha verka inn, seier politibetjent Stian Romslo til midtsiden.no.

Måndag blei ein mann i 70-åra sendt til sjukehus med lettare skadar etter å ha kome over i motsett kjørefelt i svingen ved Storestraumen. I den same svingen blei ein person lettare skadd i frontkollisjon onsdag ettermiddag.

- Det var passasjerar i begge bilane, kone i den eine, ei ung jente og eit barnebarn i den andre, opplyser politiet. Ei kvinne hadde smerter i nakken etter kollisjonen, men ingen blei alvorleg skadd.

Det blei stopp i trafikken og kø i begge retningar etter ulykka, men no er vegen open igjen og begge bilane taua vekk.

Den eine bilen var borti ein buss etter den første kollisjonen.