Prisutdeling og festival på AMFI Os

På slutten av neste veke er det Marknadsdagane i Os sentrum, denne veka, frå torsdag til laurdag, er det både Barnas Dager og Food Truck Festival på AMFI Os.

15 matvogner stiller seg opp utanfor Amfisenteret torsdag.

Les ògFemten «food trucks» til festival i Os

Innandørs er det blant anna ansiktsmaling, elektriske ridedyr og bamseverkstad.

– Laurdag skal vi også dela ut Amfelia- og Oskar-prisen, fortel ny senterleiar, Kenneth Smørdal.

Med prisen vil senteret setja pris på frivillig lagsliv i Osbygda.

Dei nominerte i år er:

• Nore Neset Skulekorps
• Os MC & MX Klubb
• Natteravnene & MC-ravnene Bjørnafjorden
• Trivselsstallen Lysefjorden

I fjor gjekk prisen til danselærar og eldsjel Patricia Langeland, året før var det Nore Neset il som fekk prisen.