Stor diesellekkasje etter uhell med buss
Må ta vassprøvar etter at kumlokk slo hol i tank.
Fredag i 16.30-tida fekk politiet melding om eit trafikkuhell på Hegglandsdalsvegen.
– Det viste seg å vera ein buss som hadde problem, seier politibetjent Morten Haugland frå Bjørnafjorden lensmannskontor.
Bussen hadde fått slått hol i dieseltanken. Årsaka skal vera eit laust kumlokk som slo oppi.
– Det var ei stor mengde diesel som rann ut. Brannvesenet kom til staden for å prøva å redusera omfanget av forureining.
Uhellet skjedde innanfor industriområdet i Hegglandsdalen, ikkje langt frå Hegglandsvatnet.
Følgjer opp med vassprøvar
Brannvesenet har både absorberande massar og lenser, og jobba hardt for å hindra spreiing av diesel.
– Dei fekk tatt hand om mykje, men ikkje alt, så vi har oppretta ei undersøkelsessak. Det er vassdrag i området, og det blir følgd opp med vassprøvar.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.