– Ikkje vent til nyttårsaftan med å kjøpa fyrverkeri

Dei to siste åra har omsetnaden av fyrverkeri auka med 30 prosent, og 2022 blei eit rekordår for bransjen.

– Ingenting tyder på at årets sal blir meir beskjedent, seier Rikard Spets frå Norsk Fyrverkeriforening i ei pressemelding.

Spets minnar om at det i år, sidan nyttårsaftan er på ein søndag, ikkje er mogleg å kjøpa fyrverkeri på sjølve nyttårsaftan.

– Vi anbefaler at folk er ute i god tid, og gjerne også tar seg god tid når dei er i butikkar og bodar for å handla.

Les ògTrygg bruk av fyrverkeri: Dette er rådene

Undersøkingar gjennomført av Norstat viser at 7 av 10 barnefamiliar kjøper inn fyrverkeri til nyttårsfeiringa. Denne statistikken gjelder òg i tettbygde strøk med offentlege oppskytningar.

Fyrverkeriforeininga mener statistikken viser at auka omsetnad ikkje har ført til auka mengde skadar.

– Primærhelsetenesta behandlar 500.000 skadar kvart år, 50 av desse er relatert til fyrverkeri, altså 1/10.000. Av augeskader var det 24.000, nyttårsaftan 2022/2023 førte til 10 skadar.

– Vi har nullvisjon og folk har blitt flinkare til å bruka beskyttelsesbriller. Målet er at vi skal få gleden av at det blir rapportert nyttårsfeiring utan ein einaste skade, og det er noko vi jobbar for kvar einaste dag.